ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

រដ្ឋមន្ត្រីសាធារណការបញ្ជាក់ថានឹងមិនបោះបង់ផ្លូវជាតិលេខ៤ចោលនោះទេ

  • ចុះផ្សាយថ្ងៃទី២៣ ខែកញ្ញា ឆ្នាំ២០២២ ម៉ោង ១៦:៣៦ នាទី ដោយ Hun Sirivadh
  • 1818
  Aa |   aA

ព្រះសីហនុ៖ រដ្ឋមន្ត្រីក្រសួងសាធារណការ និងដឹកជញ្ជូន ទេសរដ្ឋមន្ត្រី ស៊ុន ចាន់ថុល បានថ្លែងថាបើទោះបីពេលនេះផ្លូវល្បឿនលឿនត្រូវបានសាងសង់រួចនឹងអាចដាក់ដំណើរការក្នុងឆាប់ខាងមុខក្ដី តែដំណើរការនៃការជួសជុលអភិវឌ្ឍន៍ផ្លូវជាតិលេខ៤នឹងត្រូវបន្តដដែល។

ថ្លែងប្រាប់ក្រុមអ្នកយកព័ត៌មានកាលពីយប់ថ្ងៃទី២២ ខែកញ្ញា ក្នុងពេលចុះពិនិត្យផ្លូវល្បឿនលឿនភ្នំពេញ-ព្រះសីហនុ ទេសរដ្ឋមន្ត្រី ស៊ុន ចាន់ថុល បានលើកឡើងថាការស្ដារផ្លូវជាតិលេខ៤ត្រូវបានធនាគារពិភពលោកផ្ដល់ជំនួយឱ្យ ខណៈការស្ដារនឹងត្រូវធ្វើនាពេលខាងមុខ។ លោកបញ្ជាក់ថាមូលហេតុដែលមិនបានធ្វើក្នុងអំឡុងពេលនេះគឺដោយសារក្នុងរដូវវស្សាដែលមិនអាចសាងសង់បាន។

លោកថា៖ «យើងមិនបោះបង់ផ្លូវជាតិលេខ៤ទេ នៅតែធ្វើហើយពង្រីកទៀតពី ៧ម៉ែត្រឡើងដល់ ១១ម៉ែត្រឯណោះ»។

លោកបន្ថែមថាការស្ដារនឹងពិនិត្យទៅស្ថានភាពផ្លូវដែលមានកន្លែងមួយចំនួនប្រឈមនឹងទឹកលិចក៏ត្រូវលើកបន្ថែម ជាពិសេសក៏នឹងសាងសង់ស្ពានបន្ថែមផងដែរ។

ធនាគារពិភពលោកបានផ្ដល់ហិរញ្ញប្បទាន ១១០លានដុល្លារអាមេរិកដល់រដ្ឋាភិបាលកម្ពុជា សម្រាប់ការសាងសង់ និងកែលម្អផ្លូវជាតិលេខ៤ ក្នុងគោលបំណងឆ្លើយតបទៅនឹងកំណើនចរាចរណ៍នាពេលបច្ចុប្បន្ន និងជួយសម្រួលដល់វិស័យដឹកជញ្ជូនធុនធ្ងន់។

បើតាមក្រសួងសាធារណការគម្រោងសាងសង់ និងកែលម្អផ្លូវជាតិលេខ៤ ចាប់ផ្តើមពីឃុំបែកចាន ស្រុកអង្គស្នួល ខេត្តកណ្តាល ដល់ឃុំបិតត្រាំង ស្រុកព្រៃនប់ ខេត្តព្រះសីហនុ ដោយគម្រោងនេះបានចាប់ផ្តើមជាផ្លូវការនៅខែធ្នូ ឆ្នាំ២០២១ ហើយគ្រោងនឹងបញ្ចប់នៅខែធ្នូ ឆ្នាំ២០២៦ រួមមានការពង្រីកផ្លូវបច្ចុប្បន្នពី ៧ ទៅ ១១ម៉ែត្រ ការកែលម្អស្ពានបេតុង និងលូបង្ហូរទឹកចំនួន ៤៦ កន្លែង និងការសាងសង់ស្ពានថ្មីចំនួន ៨ ដើម្បីធានាចរាចរណ៍ និងទប់ទល់នឹងទឹកជំនន់ផ្លូវជាតិលេខ៤ មានប្រវែងជាង ២៣០គីឡូម៉ែត្រ តភ្ជាប់ពីរាជធានី ទៅកំពង់ផែទឹកជ្រៅក្នុងខេត្តព្រះសីហនុ៕ 

ព័ត៌មានជាច្រើនទៀតសម្រាប់អ្នក